نصايح لحديثى التخرج بكالوريوس تجارة
الشركات واماكن الشغل فى مصر بيشتغلو ب 3 انواع
1- يدوى فقط
2-Electronic system
3 -الاثنان معا
با النسبه للنظام اليدوى ....فيه اكثر من كورس له واهمهم 3.
1-دورة تحليل مالى
2- دورة امساك دفاتر
3-دورة اعداد محاسب ...على فكره دورة اعداد محاسب دى بتعلمك محاسبه با الطرق الامريكيه لان احنا فى مناهجنا بنستخدم طريقه الايطاليه
4 modern accounting دى دوره مفيده جدا جدا للنظام اليدوى والالكترونى لانها بتخليك تملك مصطلحات جميله جدا جدا جدا
كل دوول + البكالريوس بتاعك يبقى انت كده جاهز انك تشتغل فى مكان با النظام اليدوى
با النسبه للنظام الالكترونى
1- طبعا اول حاجه محتاجها فى مصر كوميرشال اكسيل " الاكسيل المحاسبى"
2-كورس الكويك بوكس " quickbooks" ده برنامج انت بتقوم من خلاله بتسجيل بيانات العملاء والموردين والموظفين وتسجيل العمليات اليوميه وهو بيطلعلك تقارير عن الميزانيه العموميه وقائمة التدفقات النقديه وقائمة المركز المالى والارباح والخسائر لوحده البرنامج ده من اصدار وانتاج شركة intuit ومستخدم كثير جدا
3-كورس البيتش ترى " peachtree" ده نفسه با الظبط الكويك بوكس بس شكل ثانى للبروجرام ومن انتاج شركة sage
4 -كورس التجاره الالكترونيه E.commerce ....Electronic Commerce الكورس ده من خلاله انت بتتعلم ازاى يكون عندك شركه على الانترنت وتبيع وتشترى بيها وعلى فكره محدش يستقل باسمه لانى سالت على شغل قالولى خد الكورس ده وتعالى
5-خامس كورس اسمه Data base قواعد البيانات
كده لو اخدت الكورسات دى يبقى انت جاهز تشتغل فى اى مكان او شركه باى نظام محاسبى سواء يدوى او الكترونى لانك اخدت الاثنين وحتى لو الشركه بتشتغل بنظام يدوى
وانت تملك الاثنين اكيد هيبقى لك الاولوليه فى الشغل
+ اخر حاجه لازم تاخدوها وتهتمو بيها هى اللغه E
وافضل واوفر مكان ممكن تاخدو فيه هو معهد لغات القوات المسلحة
لو انت بقى معاك نظام يدوى + الكترونى +انجليزى + توفيق ربنا فى الاول وفى الاخر اكيد ربنا هيكرمك لانك تعبت وهتلاقى المكان اللى يستاهلك ومن غير واسطه ان شاء الله ولو مقرر انك هتسافر بره ومعاك الكلام ده يبقى ان شاء الله ربنا هيكرمك اخر كرم
..........
في انتظار تعليقاتكم
0 التعليقات:
إرسال تعليق